Araz Net
Sinopsis

Un llobu bonu, dos oricios con raigañu en Verdicio, un gochín que come cereales mirando’l mar o una sacavera que xuega a les cosadielles; son dellos de los protagonistes d’esta decena de cantares enxertaos embaxo del títulu de “Bestiariu” y compuestes a costa fecha polos diferentes artistes.

La Fabriquina, creaciones culturales, un proyectu nel que s'axunten Alicia Álvarez y David Guardado, atópase tres d’esta producción, editada por Araz Net, que pretende non solo averar l'asturianu al públicu infantil al traviés de la música, sinón tamién, crear materiales nuevos orixinales pa los neños nesta llingua.

Pa ello cuntaron cola collaboración de diez destacaes bandes asturianes, tanto de la escena independiente como de la del folk y del rock. El proyectu axunta a FMM, Felpeyu, Los Bonsáis, Pauline en la Playa, Nacho Álvarez y el Quarteto Bendición, GuillerMomonje, La Villana, Dixebra, Muga y el corín de la Reciella, y David Varela con Pop Piquiñín (Petit Pop), qu'interpreten cantares, pensaos pa que les esfrute tola familia, colos animales como filu conductor dedicaos a la sacavera, el ratu, el catasol, la vacalloria, el gochu, el burrín, el xilgueru, el ñerbatu, el llobu y l'oriciu.

El discu, foi ilustráu pol reconocíu diseñador Marco Recuero y grabáu na so mayor parte nos estudios Teisco de Xixónbaxo la batuta del músicu xixonésPedro Vigil (PenelopeTrip, Edwin Moses y Petit Pop).

1. El Catasol de Minín (Muga y el Corín de Reciella)
2. El Ratu Roller (David Varela con Pop Piquiñín)
3. La Sacavera (Felpeyu)
4. Bocarriba (FMM)
5. Ea Ea (Pauline en la Playa) 
6. Dixebra (Soi Yo)
7. Rexina l'alezna y Marino l'Oriciu (Nacho Álvarez y el Quarteto Bendición)
8. El Mio Burrín (La Villana)
9. Ñerbatu (Los Bonsáis)
10.Xilguerín (Guiller Momonje)

© Copyright 2011 Araz Net, S. L. Reservaos tolos derechos
San Francisco de Asís 16, pisu 2º D | 33205 Xixón | t. 985 093 860 | f. 985 194 733
Desarrollada en XHTML | DRUPAL