Araz Net

Asturies.com cumple 15 años

El 7 de febreru de 1997, depués de dellos díes en prebes, apaecía oficialmente na rede Asturies.com, o lo que ye lo mesmo Asturia, la comunidá asturiana n'Internet. Ésti foi'l nome col que se conoció la web nos sos primeros años de vida.
 
Asturies.com punxo la llingua asturiana na mapa d'un naciente mundu virtual qu'aína se tresformo nuna ferramienta imprescindible y omnipresente. Lo que nun primer momentu yera una guía de recursos asturianos na rede y un portal informativu selmanal, convirtióse colos años nuna referencia na rede asturiana pela que pasaron abondos collaboradores y que punxo en marcha una montonera d'esperiencies pioneres contribuyendo a iguar asina un espaciu comunicativu asturianu y n'asturianu que nestos díes tien un futuru tan inciertu como la propia llingua.
Nos próximos díes vamos celebrar esti aniversariu con delles actividaes y collaboraciones coles qu'Asturies.com va facer memoria de lo que yera, ye y quier ser nel futuru, anovando asina'l nuesu compromisu col país y col idioma.

© Copyright 2011 Araz Net, S. L. Reservaos tolos derechos
San Francisco de Asís 16, pisu 2º D | 33205 Xixón | t. 985 093 860 | f. 985 194 733
Desarrollada en XHTML | DRUPAL