CAVEDA SALCEDO, José

Nietu de Xosé Caveda y Nava, per llinia paterna, hebo nacer pasada la metada del sieglu XIX y fallecer depués de la segunda década del XX. Ye autor de delles composiciones en castellano y n’asturiano, conservaes na biblioteca del Muséu Arqueolóxicu d’Uviéu. La revista Lletres Asturianes (n.46) publicó una carta de Caveda Salcedo unviada en 1910 a Pepín Sorribes. Xurde Blanco dio a estampa na colección Cartafueyos... de l’Academia de la Llingua dalgunes poesíes fechaes ente 1902 y 1909; dos d’elles publicáranse en 1902 n'El Comercio y otra na revista La Tierrina en 1909. El volume de l’Academia lleva’l títulu de De Xuan de la Coyán a Xuan Soldáu. Poemes.

BIBLIOGRAFÍA

Creación

Caveda Salcedo, José

De Xuan de la Coyán a Xuan Soldáu. Poemes / José Caveda Salcedo. — Uviéu : Academia de la Llingua, 1997. — Ed. facs. — 21 p. ; 15 cm. — (Cartafueyos de lliteratura escaecida ; 35 ).

ISBN 84-8168-103-2