ARDISANA, Pablo

(1940)

Pablo Ardisana nació en Hontoria (Llanes) en 1940 y ye un poeta de vocación tardía. El so primer llibru: Armonía d’anxélica sirena publícalu en 1986, con cuarenta y seis años, cuando los autores más mozos de la segunda Xeneración del Surdimientu (nacíos na década de los 60) empiecen a dase a conocer. A esti poemariu van siguilu:

Rosamaría (1987), Azul mirar d’amor (1989) y Una luz inesperada (1991). Practicante d’un versu cenciellu y breve, que busca tanto la eufonía de la palabra como la emotividá, Ardisana anda a caminar peles intemporales siendes estétiques del romanticismu y d'un ciertu modernismu. Nos sos poemes recrea’l sentir amorosu sobre’l paisaxe más cercanu y construi una de les voces más personales de les actuales xeneraciones lliteraries asturianes.

BIBLIOGRAFÍA

Creación

Ardisana, Pablo

Única geografía / Pablo Ardisana. — [s.n. : s.l.], 1982 (Gijón : Mercantil Asturias). — 34 p. ; 20 cm.

Ardisana, Pablo

Armonía d’anxélica sirena / Pablo Ardisana. — Uviéu : Academia de la Llingua Asturiana, 1986. — 97 p. ; 20 cm. — (Llibrería académica ; 7).

ISBN 84-600-4811-X

Ardisana, Pablo

Azul mirar d amor / Pablo Ardisana. — Uviéu : Alvízoras Llibros, 1989. — 34 p. ; 21 cm. — (Poesía ; 6).

ISBN 84-86889-09-X

Ardisana, Pablo

Una luz inesperada / Pablo Ardisana. — Oviedo : Alvízoras Llibros, 1991. — 59 p. ; 21 cm. — (Serie azul ; 2).

ISBN 84-86889-18-9

Otros cuentos n’asturianu / Xosé A. Fernández Álvarez, Xosé Lluis Rodríguez Alberdi, Pablo Ardisana. — Uviéu : Conseyería d’Educación, 1988. — 1 carpeta (16, 34, 35 p.) ; il. col. — (Dayures ; 3).

ISBN 84-86795-28-1

Ensayu

Ardisana, Pablo

Sobre la emigración tejera, sus posibles causas / Pablo Ardisana. — Llanes : El Oriente de Asturias,

1978. — 24 p. ; 22 cm. —Separata de: El Oriente de Asturias, n. 4127 al 4139

Bibliografía

“Ardisana, Pablo”, en: Gran Enciclopedia Asturiana, T. XIX, Xixón, Silverio Cañada, 1996, p. 44.

Bolado, Xosé (ed.), Antoloxía poética del Resurdimientu, Xixón, Ateneo Obrero, 1989.

Antón García, “Pablo Ardisana”, en: Lliteratura asturiana nel tiempu, Uviéu, Conseyería d’Educación, 1994, p. 162.

Antón García, “La poesía bable hoy”, en Hora de poesía, 26, Barcelona, pp. 3–26.

José Luis García Martín, “Breve muestra de la poesía bable”, en: Los Cuadernos del Norte, 45–46,

pp. 170–174.

Berta Piñán, “La poesía asturiana”, en: Lliteratura asturiana y futuru, Uviéu, Conseyería d’Educación, pp. 15–26.

Labra, Ricardo (ed.), Muestra corregida y aumentada de la poesía en Asturias, Oviedo, Consejería de Educación, 1989.

Xuan Xosé Sánchez Vicente, Crónica del Surdimientu (1975–1990), Oviedo, Barnabooth, 1991.

ANTOLOXÍA

NA NUECHE DE LA TO AUSENCIA

Nes nueches más fríes, cuandu ñeva,

pasen páxaros que píen comu quexes.

¿Van perdíos y temen estrellase

escontra murios que la nueche alza

comu armedíes, pa quien tien el don

del vuelu, la gracia d’elevase?

Nun sé, pero a vegaes siéntome

perdíu na nueche de la to ausencia,

y quéxome nel fríu y el mieu

a los murios tan ñegros de nun vete.

COMU LLENDE DE LA LLUNA

Yo nun tendré enxamás

la perdulce costume

de vete cada nueche

dir quitando

tolo que te ñubla,

y quedate escamplada

pa les manes sollertes.

(Vencer la escuridá

sería tenete a ti

rellumante de lluz

comu llende de lluna.)

Yó sólo tengo

al vértigu apenáu

d’apalpar cada nueche

l’abisu la to ausencia.

(Armonía d’anxélica sirena)

Y ME BAÑES CON BESOS

Cuando t’encuques

pa besame,

asina como la gaviota

cierra sele’l so vuelu

onde la mar y el ríu son amor...

Cuando t’encuques

y me bañes con besos

acesmo que’l corazón marín

recuéyese en silenciu nos tos oyos.

(Azul mirar d’amor)