GARCÍA GARCÍA, Alfredo

(Adeflor)

(1876-1959)

Conocíu popularmente col alcuñu d’Adeflor, nació'l periodista Alfredo García García en Xixón en 1876. Exerció’l periodismu dende bien xoven, vinculándose al periódicu xixonés El Comercio, del que llegó a ser director. Nel añu 1906 dio a estampa Charlas gijonesas, con portada del pintor Ventura Álvarez Sala; nél recueye la serie de diálogos satíricos y humorísticos que fuera publicando n'El Comercio, cola intención de comentar críticamente aspectos de la política municipal. A lo llargo de la so amplia trayectoria periodística escribió abondos diálogos humorísticos asemeyaos, nos que combinaba l’asturiano con formes diglósiques de la llingua falada en Xixón.

BIBLIOGRAFÍA

Creación

Adeflor

El concejal / Adeflor. — Oviedo : Servicio de Publicaciones del Principado de Asturias, 1988. — XII, 221 p. ; 18 cm. — Reprod. facs. de la ed. de: Gijón, 1908

DL O-3963-88

Adeflor

Charlas gijonesas : (1907) / Adeflor. — Xixón : vtp, 1998. — 101 p. ; 26 cm.

ISBN 84-89880-07-7

Bibliografía

Patricio Aduriz, “Adeflor”. En: Gran Enciclopedia Asturiana, T.I, pp. 28–29, Xixón, Silverio Cañada, 1970–1993.